Rybelsus

Rybelsus inniheldur virka efnið semaglútíð. Semaglútíð er sykursýkislyf og tilheyrir flokki glúkagonlík-peptíð-1 (GLP-1) hliðstæðna. Lyfið líkir eftir náttúrulega hormóninu GLP-1 sem er losað úr þörmum eftir máltíðir og hefur margvísleg áhrif á stjórnun glúkósa og matarlyst. Semaglútíníð hjálpar líkamanum að minnka magn blóðsykurs, eingöngu þegar blóðsykurinn er of hár. Einnig hefur lyfið þau áhrif að minniháttar seinkun verður á magatæmingu fyrst eftir máltið og þú finnur fyrir seddutilfinningu, minna hungri og minnkar löngun í fituríkan mat. Þetta getur hjálpað þér við að borða minna og draga úr líkamsþyngd. Rybelsus er ætlað til meðferðar hjá fullorðnum með sykursýki af tegund 2 og er notað annars vegar eitt og sér (einlyfjameðferð) ef þú getur ekki notað metformín (annað sykursýkislyf) og þú hefur ekki náð stjórn á blóðsykrinum. Hins vegar sem viðbót við önnur sykursýkislyf ef þau hafa ekki dugað til að ná stjórn á blóðsykrinum. Mikilvægt er að halda áfram að viðhalda heilbrigðum lífsstíl með hollu matarræði og hreyfingu með lyfjameðferð.

---

Notkun á lyfi

Lyfjaform:
Töflur til inntöku. Ekki má tyggja, mylja eða brjóta töflurnar.

Venjulegar skammtastærðir:
Lyfið er tekið inn einu sinni á sólarhring á fastandi maga. Upphafsskammtur: 1,5 mg (1 tafla) á dag í 1 mánuði og þá er hækkað upp í viðhaldsskammtinn 4 mg (1 tafla) á dag. Ef þörf er á má auka skammtinn í næsta skammt fyrir ofan eftir a.m.k. einn mánuð á núverandi skammti. Ráðlagðir stakir viðhaldsskammtar á sólarhring eru 4 mg, 9 mg, 25 mg og 50 mg. Að minnsta kosti skulu líða 30 mínútur frá inntöku Rybelsus og þar þú neytir matar eða drykkjar eða önnur lyf eru tekin inn.

Hversu langur tími líður uns verkun kemur fram:
Hámarksþéttni næst um 1 klst eftir inntöku á stökum skammti. Jafnvægi næst þegar lyfið er tekið inn einu sinni á sólarhring í um 4-5 vikur.

Verkunartími:
Lyfið er til staðar í blóðrásinni í um það bil 5 vikur eftir síðasta skammt.

Þörf á að breyta mataræði meðan lyfið er tekið:
Breytt mataræði og minnkuð sykurneysla er þáttur í meðferð.

Geymsla:
Geymið í upprunalegum þynnupakkningum til varnar gegn ljósi og raka og þar sem börn hvorki ná til né sjá.

Ef skammtur gleymist:
Ef skammtur gleymist skal sleppa þeim skammti og taka næsta skammt sama tíma og venjulega. Ekki taka tvo skammta í einu.

Hvernig á að hætta töku lyfsins:
Ekki skal hætta að nota lyfið án þess að ráðfæra sig við lækni. Ef notkun þess er hætt getur blóðsykurinn aukist.

Ef tekinn er of stór skammtur:
Ef þú notar stærri skammt af lyfinu en mælt er fyrir um hafðu þá samband við lækninn eða eitrunarmiðstöð án tafar (sími: 543 2222). Þú gætir fengið aukaverkanir eins og ógleði.

Langtímanotkun:
Án vandkvæða.

---

Aukaverkanir

Algengustu aukaverkanirnar eru ógleði, niðurgangur og uppköst.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Brisbólga: Hiti og kviðverkir
Ógleði, uppköst, niðurgangur
Of lágur blóðsykur
Útbrot, kláði, bjúgur og öndunarerfiðleikar
Vélindabakflæði, uppþemba
Vindgangur
Fylgikvillar augnsjúkdóms af völdum sykursýkis (sjónukvilli)

---

Milliverkanir

Lyfið veldur seinkun á magatæmingu og því gæti lyfið haft áhrif á upptöku lyfja inn í líkamann sem eru gefin á sama tíma og Rybelsus. Sérstalega á þetta við um lyf sem þarfnast hraða upptöku frá meltingarveginum. Að minnsta kosti skulu líða 30 mínútur á milli inntöku Rybelsus og annarra lyfja.

Sjá öll lyf sem geta haft áhrif á

Má ekki nota með

Getur haft áhrif á

• Euthyrox
• Levaxin
• Warfarin Teva

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú sért með skerta lifrar- eða nýrnastarfsemi
• þú takir einhver önnur lyf
• þú sért með eða hefur fengið brisbólgu
• þú sért með insúlínháða sykursýki (sykursýki af gerð 1)

Meðganga:
Lyfið má ekki nota á meðgöngu. Mælt er með því að konur á barneignaaldri noti getnaðarvarnir meðan á meðferð stendur.

Brjóstagjöf:
Konur með barn á brjósti mega ekki nota lyfið. Lyfið berst í brjóstamjólk.

Börn:
Lyfið er ekki ætlað börnum yngri en 18 ára.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni en ef lyfið er tekið inn samhliða súlfónýlúrealyfi eða insúlíni er ráðlagt að grípa til varúðarráðstafana til að koma í veg fyrir blóðsykursfall.

Áfengi:
Getur valdið lækkun á blóðsykri. Einkenni um lækkaðan blóðsykur líkjast að sumu leyti áhrifum áfengis. Það minnkar líkur á því að einkennin þekkist og að rétt sé brugðist við þeim. Sjúklingar sem nota lyfið ættu því helst ekki að neyta áfengis.

Íþróttir:
Leyft við æfingar og í keppni.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.