Valaciclovir Actavis 500 mg, 10 filmuhúðaðar töflur

Valaciclovir Actavis inniheldur virka efnið valacíklóvír og tilheyrir flokki lyfja er kallast veirusýkingalyf. Lyfið er notað til að meðhöndla frunsur hjá heilbrigðum einstaklingum sem eru 18 ára og eldri og hafa áður verið greindir af lækni með áblástur (frunsur) og þurfa endurtekna meðferð. Til þess að fá sem mestan ávinning úr meðferðinni er mikilvægt að hefja hana strax og fyrstu einkenna verður vart. Fyrirboðaeinkenni geta verið kitlandi tilfinning, kláði eða sviði á verðandi staðsetningu frunsunnar.

Meðferð við frunsum

• Venjulegur skammtur er 2.000 mg (fjórar 500 mg töflur) tvisvar sinnum á dag

• Seinni skammtinn skal taka 12 klst. (ekki innan við 6 klst.) eftir fyrsta skammtinn

• Aðeins skal taka Valaciclovir Actavis í einn dag (tvo skammta)

• Gleypa skal töflurnar heilar með vatni

Kynnið ykkur notkunarleiðbeiningar, varnaðarorð og frábendingar áður en lyfið er notað. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is

Markaðsleyfishafi: Actavis Group PTC ehf. Umboðsaðili á Íslandi: Teva Pharma Iceland ehf.