Progestan

Progestan inniheldur hormón sem kallast prógesterón. Progestan er notað hjá konum sem þurfa auka prógesterón til stuðnings við þungun á meðan þær gangast undir tæknifrjóvgun. Lyfið er einnig notað til að fyrirbyggja fyrirburafæðingu hjá konum sem hafa áður eignast fyrirbura eða hafa stuttan legháls. Prógesterón virkar á slímhimnuna í leginu og hjálpar þér við að verða barnshafandi sem og að viðhalda þungun.

---

Notkun á lyfi

Lyfjaform:
Mjúk leggangahylki.

Venjulegar skammtastærðir:
Lyfinu á að stinga djúpt inn í leggöngin. Tæknifrjógvun: Meðferð byrjar eigi síðar en á þriðja degi eftir eggheimtu. Þá skal nota 600mg af Progestan daglega (200mg 3svar á dag eða 300mg 2svar á dag). Ef þungun er svo staðfest skal halda áfram með sama skammt fram að a.m.k 7.viku en ekki lengur en 12.viku. Fyrirbygging fyrirburafæðingar: 200mg 2svar á dag frá u.þ.b. 20. viku til 34. viku meðgöngu.

Hversu langur tími líður uns verkun kemur fram:
Hormón frásogast hratt, verkun hefst samdægurs.

Verkunartími:
Til að viðhalda lífeðilsfræðilegu prógesterón gildi í blóði þarf að taka lyfið á 12 klst fresti. Lyfið er því heldur skammvirkt.

Þörf á að breyta mataræði meðan lyfið er tekið:
Á ekki við.

Geymsla:
Geymið lyfið þar sem börn hvorki ná til né sjá.

Ef skammtur gleymist:
Skaltu nota lyfið um leið og þú manst eftir því. Ef stutt er í næsta skammt skaltu sleppa skammtinum sem gleymdist. Ekki á að tvöfalda skammt til að bæta upp skammt sem gleymst hefur að nota.

Hvernig á að hætta töku lyfsins:
Vinsamlegast ráðfærðu þig við lækninn ef þú hættir eða ætlar að hætta notkun.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).

Langtímanotkun:
Lyfið er ekki ætlað til langtímanotkunar.

---

Aukaverkanir

Skammvinn þreyta eða sundl getur komið fram innan 1-3 klukkustunda frá því að lyfið var tekið.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Blæðing úr leggöngum
Kláði
Olíukennd útferð úr leggöngum
Sviðatilfinning

---

Milliverkanir

Prógestagen geta haft áhrif á jafnvægi sykursýkimeðferðar og hafa verið tengd við aukna tíðni sykursýki af tegund 2.

Sjá öll lyf sem geta haft áhrif á

Má ekki nota með

Getur haft áhrif á

• Fycompa
• Rimactan
• Tegretol
• Tegretol Retard
• Tegretol Retard (Lyfjaver)

---

Varúð

Læknir sem ávísar lyfinu þarf að vita hvort

• þú sért með hjarta-, lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú eigir sögu um blóðtappa
• þú takir einhver önnur lyf
• þú sért með blæðingar frá fæðingarvegi af óþekktum ástæðum
• þú sért með ofnæmi fyrir hnetum og soja
• þú sért með æxli sem er næmt fyrir hormónum

Meðganga:
Progestan má einungis nota á fyrstu 3 mánuðum meðgöngu meðan á frjósemismeðferð stendur. Ef lyfið er tekið til að fyrirbyggja fyrirburafæðingu er það gefið frá u.þ.b. 20. viku til 34. viku meðgöngunnar.

Brjóstagjöf:
Ekki má nota lyfið á meðan á brjóstagjöf stendur.

Börn:
Lyfið er ekki ætlað börnum.

Eldra fólk:
Engar upplýsingar liggja fyrir um notkun lyfsins hjá 65 ára og eldri.

Akstur:
Lyfið hefur óveruleg áhrif á akstur.

Annað:
Ef þú missir vatnið á meðan þú tekur lyfið verður þú að leita til læknisins eins fljótt og auðið er.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.